काठमाडौँ- नेपाल प्रिमियर लिग (एनपिएल)अन्तर्गत आफ्नो पहिलो खेलमा सुदूरपश्चिम रोयल्सले विराटनगर किंग्सलाई जारी प्रतियोगिताकै उच्च रनको लक्ष्य प्रस्तुत गरेको छ।
टस हारेर पहिले ब्याटिङ गरेको सुदूरपश्चिमका लागि कप्तान दीपेन्द्र सिंह ऐरीले विष्फोटक इनिङ खेल्दा विराटनगरले १ सय ८२ रनको उच्च लक्ष्य पाएको हो।
जारी प्रतियोगिताकै उच्च स्कोर बनाउने क्रममा कप्तान ऐरीले उत्कृष्ट र विष्फोटक इनिङ खेल्ने क्रममा २४ बलमा ५७ रनको अर्धशतकीय इनिङ खेले।
उनले आफ्नो इनिङमा ५ छक्का र ३ चौका प्रहार गरेका थिए। उनी बाहेक ब्रान्डन म्याकमुलनले ३६ रन बनाउँदा थप दोहोरो स्कोरका रुपमा विनोद भण्डारीको २३ रन रह्यो।
त्यस्तै साइफ जाइबले १४ रन बनाउँदा इशान पान्डेले २१ रन बनाए। त्यस्तै स्कट कुगेलिङ्गले १० रन बनाउँदा आरिफ शेख ९ रनमा आउट भएका थिए।
विराटनगरका लागि अनिल खरेलले सर्वाधिक ३ विकेट लिंदा क्रिश सोले, इस्मात अलाम र बसिर अहमदले समान १-१ विकेट लिए।
भर्खरै
लोकप्रिय
