लुम्बिनीविरुद्ध पोखराको विष्फोटक सुरुवात

काठमाडौँ – नेपाल प्रिमियर लिगअन्तर्गत शुक्रबारको दिनको दोस्रो खेलमा लुम्बिनी लायन्सले दिएको १ सय ७१ रनको लक्ष्य पछ्याएको पोखरा एभेन्जर्सले विष्फोटक सुरुवात गरेको छ। उसले ६ ओभरमै ८० रन पूरा गरेको छ।

ओपनिङ ब्याटिङका लागि आएका दिनेश खरेल र एन्ड्रेस गौसले ६ ओभरको समाप्तिमा ८० रनको साझेदारी गरिसकेका छन्। खरेल १७ बलमा २६ रन बनाएर अविजित रहँदा गौस १९ बलमा ४६ रन बनाएर खेलिरहेका छन्।

त्यसअघि टस जितेर पहिले ब्याटिङ गरेको लुम्बिनीका कप्तान रोहित पौडेलले ९५ रनको कप्तानी इनिङ्स खेल्दा टिमले उच्च स्कोर बनाएको थियो।