अ
+
अ
अ
-
काठमाडौँ- नेपाल प्रिमियर लिग अन्तर्गत बुधबारको पहिलो खेलमा जनकपुरविरुद्ध टस हारेर पहिले ब्याटिङ गरेको सुदुरपश्चिमले ७६ रन जोड्दा कप्तान दिपेन्द्र सिंह ऐरीलाई चौंथो विकेटका रुपमा गमायो।
विष्फोटक ब्याटिङ छवि भएका ऐरीलाई अरनको यादवले आउट गरे। उनी आउट भएसँगै जनकपुर खेलमा फर्किएको छ। जनकपुरले १२.३ ओभरमा ७६ रन दिएर ४ विकेट लिन सफल भयो।
त्यसअघि तेस्रो विकेटका रुपमा ओपनर बिनोद भण्डारीलाई गुमाएको थियो। भण्डारीले ३७ बल खेल्दै ३ चाक र १ छक्का प्रहार गर्दै ३३ रन बनाएर आउट भएका थिए।
उनी शेर मल्लको बलमा आउट भए। त्यसअघि पहिलो विकेटका लागि ५५ रनको साझेदारी गर्दै राम्रो सुरुवात गर्दै साइफ जाइब २१ रन बनाएर आउट भएका थिए भने लगतै हरमित सिंह १ रनमा आउट भएका थिए।
जनकपुरका लागि शेर मल्लले २ विकेट लिंदा हर्ष थकर र अरनिको यादवले समान १-१ विकेट लिएका छन्।
भर्खरै
लोकप्रिय
