अ
+
अ
अ
-
काठमाडौँ- नेपाल प्रिमियर लिग (एनपीएल) मा लुम्बिनी लायन्सविरुद्ध टस हारेर पहिले ब्याटिङ गरेको कर्णालीले जितका लागि १ सय २९ रनको लक्ष्य प्रस्तुत गरेको छ।
निर्धारित २० ओभरमा कर्णालीले ८ विकेट गुमाएर १ सय २८ रन बनाएको हो। पाँचौ विकेटका लाग अर्जुन घर्ती र विलियम बोसिस्टोले ७२ रनको साझेदारी गरेपछि कर्णालीले मध्यम स्कोर तयार गर्यो।
कर्णालीका लागि विलियम बासिस्टोले सर्वाधिक ४४ रन बनाउँदा अर्जुन घर्तीले २५ रन बनाए। त्यस्तै बाबर हायतले २० रन बनाउँदा चाडविक वाल्टनले १३ रन बनाएका थिए। अन्य खेलाडीले भने दोहरो स्कोरमा रन बनाउन सकेनन्।
लुम्बिनीका लागि विकास आग्रि ले ३ विकेट लिंदा तिलक भण्डारीले २ विकेट लिए। त्यस्तै रामोन सिमोन्ड्स, साद बिन जफार र रोहित पौडेलले समान १-१ विकेट लिए।
भर्खरै
लोकप्रिय
