चितवनले ६४ रन जोड्दा गुमायो चार विकेट

काठमाडौँ – नेपाल प्रिमियर लिग (एनपिएल)मा विराटनगरविरुद्ध ब्याटिङ गरिरहेको चितवन राइनोजले चौथो विकेट गुमाएको छ।

चितवनले ६४ रन जोड्दा चार विकेट गुमाएको हो। चौथो विकेटको रुपमा बसिल अहमद एक रन बनाएर आउट भए। उनलाई विराटनगरका सन्दीप लामिछानेले आउट गरेका हुन्।

यसअघि चितवनका रवि बोपरा, सन्तोष कार्की र हसन इसाखिल आउट भएका थिए। हसनलाई बसिर अहमदले आउट गरेका हुन् भने सन्तोषलाई सन्दीप र रविलाई सुवास भण्डारीले आउट गरेका हुन्।

पहिले ब्याटिङ गरेको विराटनगरले चितवनलाई १८२ रनको लक्ष्य दिएको छ।