अ
+
अ
अ
-
काठमाडौँ- नेपाल प्रिमियर लिग (एनपिएल)अन्तर्गत लिग चरणको आफ्नो अन्तिम खेलमा बिराटनगरले काठमान्डुलाई जितका लागि १ सय १८ रनको सामान्य लक्ष्य प्रस्तुत गरेको छ।
टस हारेर पहिले ब्याटिङ गरेको विराटनगर १९.५ ओभरमा अलआउट हुँदै १ सय १७ रनमा समेटियो। बिराटनगरका लागि राजेश पुलामीको २५ रन सर्वाधिक रनका रुपमा रह्यो।
उनी बाहेक दिपक बोहराले २० रन बनाउँदा निकोलस कीर्टन १२ रनमा आउट भए। त्यस्तै स्कट एडवार्डको १५ रन र बसिर अहमदको १३ रन थप दोहोरो स्कोरका रुपमा रहेको थियो।
विराटनगरका ओपनर लोकेश बम ८ रनमै आउट भएका थिए। त्यस्तै इस्मात अलाम ५ रनमा आउट हुँदा क्रिस सोले १ रनमा आउट भए। काठमान्डौंका लागि गेर्हार्ड एरासमसले ३ विकेट लिंदा दिपेष कँडेलले २ विकेट लिए।
त्यस्तै डन दौथवाइट, करण केसी र साहब अलामले समान १-१ विकेट लिए।
भर्खरै
लोकप्रिय
