पचास किलो गाँजासहित पर्साबाट चार जना पक्राउ

वीरगञ्ज- पचास किलो गाँजासहित पर्साबाट चार जना पक्राउ परेका छन्। पक्राउ पर्नेहरूमा पर्सा बहुदरमाई नगरपालिका- १ बिश्रामपुरका पारस यादव, मैनादिन मियाँ,वडा नम्बर- ७ तिनटोलियाका अकवर मियाँ र सोही वडा छपकैया टोलका शिव महतो रहेका छन्।

वीरगञ्ज महानगरपालिका वडा नम्बर-२० हरपतगञ्ज चोकस्थित कुलोको बाटो भएर चारैजनाले टाउकोमा बोकेर गाँजा लागिरहेको अवस्थामा फेला पारी प्रहरीले पक्राउ गरेको पर्साका प्रहरी प्रबक्ता डिएसपी किशोर लम्सालले जानकारी दिए।

गाँजासहित पक्राउ परेका चारैजनालाइ लागु औषध सम्बन्धी कसूरमा थप अनुसन्धान भइरहेको उनले बताए।