मुगु – भारतबाट आयात गरिएका तरकारी र फलफूलको बिक्री मुगुमा तीव्र रूपमा बढेको छ। स्थानीय उत्पादनको अभाव र सहज आयातको कारणले गर्दा भारतबाट ल्याइएका आलु, प्याज, टमाटर, लसुन ,अनार, भिन्टी, हरियाे सुखाे खुर्सानी सुन्तला केरालगायत तरकारी तथा फलफूल बजारमा धेरै बिक्री हुने र माग पनि धेरै हुने गरेकाे फलफुल तथा तरकारी व्यापारी जुनतारा शाहीले बताइन् ।
याे माैसममा मुगुमा हरियाे सागपात बन्दा, गाँजर बाहेक अरू तरकारी नपाईने पनि शाहीले जानकारी दिइन् ।
स्थानीय उपभोक्ताले भारतीय उत्पादनको मूल्य सस्तो र गुणस्तर राम्रो भएको र मुगुमा हिउँदे सिजनमा हरियाे साग, बन्दा बाहेक अन्य तरकारी उत्पादन नहुने भएपछि भारतीय तरकारीकाे माग बढेकाे बताइएकाे छ ।
यसले स्थानीय किसान र उत्पादकमा भने चुनौती सिर्जना गरेको छ। कृषि जन्य बस्तुहरूकाे उत्पादनमा वृद्धि गर्न र बाहिरी तरकारीकाे आयत र उपभाेगलाई निरूत्साहित गर्ने तथा स्थानीय कृषककाे उत्पादनलाई बढवा दिन स्थानीय सरकार र किसान मिलेर काम गर्नुपर्ने आवश्यकता महसुस गरिएको छ।
भर्खरै
लोकप्रिय
