मुगु – राराताल नजिकैको मुख्य बाटो छेउमा रहेको ऐतिहासिक ढुङ्गेधारा संरक्षणको अभावमा जीर्ण बन्दै गएको छ। स्थानीय बासिन्दाको भनाइअनुसार यो ढुङ्गेधारा हजारौँ वर्ष पुरानो मानिन्छ।
स्थानीय बुढापाका अनुसार यो ढुङ्गेधारा भीमसेन थापाको पालामा निर्माण गरिएको बताइन्छ। ०३२ सालमा रारालाई निकुञ्ज घोषणा गरेपछि र रडाले र छप्राल बस्तीलाई २०३५ सालमा बाँकेको चिसापानी सारिएको थियो।
रडाले र छप्राले पानी खाने यो ऐतिहासिक ढुङ्गे धारा हाल पानीको स्रोत सुक्दै गएपछि प्रयोगविहीन जस्तै भएको छ।
ढुङ्गाको संरचना जस्ताकाे तस्तै भए पनि धारावरीपोरीको ब्यबस्थापन उचित तरिका बाट हुन नसकेको राराका पर्यटन ब्यबसायी बृखबहादुर रोकायाले बताए।
उनले भने, ‘पहिले पानी सुकिसकेको भएपनि पुजाआजा गरेपछि थोरै भएपनि पानी आउन थालेको छ ।’
यस ऐतिहासिक सम्पदाको उचित संरक्षण र पुनर्निर्माणको पहल नहुँदा यसको ऐतिहासिक महत्व हराउँदै गएको स्थानीयले बताएका छन्। सम्बन्धित निकायले समयम संरक्षण नगरे यसले ऐतिहासिक सम्पदामाथि गम्भीर क्षति पुर्याउने स्थानीयको चिन्ता व्यक्त गरेका छन्।
भर्खरै
लोकप्रिय
