स्रोत नखुलेको १० लाख नगदसहित  एक भारतीय पक्राउ

वीरगन्ज – स्रोत नखुलेको दश लाख नगदसहित  हुण्डी कारोबारमा संलग्न एक भारतीय पक्राउ परेका छन्। पक्राउ पर्नेमा भारत विहार जिल्ला मोतीहारी थाना रक्सौल ग्राम रक्सौल वडा नं।१७ बस्ने २२ बर्षका नेहाल कुमार छन्।

विशेष सूचनाको आधारमा खटिएको प्रहरी टोलीले वीरगञ्ज महानगरपालिका(८ लिंक रोडबाट उनलाई चेकजाँच गर्दा पक्राउ गरेको हो।

नेहालको साथबाट स्रोत नखुलेको दस लाख रकम बरामद गरिएको प्रहरीले जनाएको छ।रकमसहित पक्राउ परेका उनलाई मुलुकी अपराध संहिता, २०७४ को दफा १२५ को (क) बमोजिम  (हुण्डी सम्बन्धी कारोबार गर्न नहुने) कसूरमा थप अनुसन्धान भईरहेको पर्साका प्रहरी प्रबक्ता डिएसपी सुभाष भट्टले जानकारी दिए।