वीरगञ्ज- बाराको कलैया उपमहानगरपालिकामा रहेको नवजन्म पुनःस्थापना केन्द्रमा कुटपिट गरी हत्या गरिएका धीरेन्द्र भन्ने प्रदीप्रसाद मण्डलको मृत्यु प्रकरणमा पक्राउ परेका सात जनामध्ये ६ जना पुर्पक्षका लागि कारागार चलान भएका छन्। एक जना धरौटीमा रिहा भएका छन् ।
जिल्ला अदालत बाराका १ नम्बर इजलासका न्यायाधीश कोमलप्रसाद आचार्यले मंगलबार मण्डलको हत्या प्रकरण सम्बन्धि मुद्दाको सुनुवाइ गर्दै पक्राउ परेका सात जनामध्ये ६ जनालाई कारागार चलान गर्ने आदेश दिएका हुन् ।
सोही मुदामा सुधार केन्द्रका सञ्चालक साहेबबाबू मन्सुरका दाई तमन्ना मन्सुरलाई दुई लाख ५० हजार धरौटीमा रिहा गर्न न्यायाधीश आचार्यले आदेश गरेका छन् ।
मण्डलको हत्या भएको विषयमा अदालतमा दायर भएको ज्यान सम्बन्धि कसुर मुद्दामा अदालतले पक्राउ परेका ६ जनालाई पुर्पक्षका लागि कारागार चलान गर्न र एक जनालाई धरौटीमा रिहा गर्ने आदेश दिएको बाराका एसपी सन्तोष तामाङले जानकारी दिए । मंगलवार भएको बहसमा पुनःस्थापना केन्द्रका सञ्चालकका दाई तमन्ना अलि धरौटीमा रिहा भएको उनले बताए ।
उक्त मुद्दामा पक्राउ परेका बाराको फेटा गाउँपालिका- ६ का प्रमेशवर साह कानु, कलैया उपमहानगरपालिका- १ का अरूण सर्राफ,३ का सरफराज मंसुरी, ४ का निरज सर्राफ र वडा नम्बर ६ का महम्मद आँसु मियाँ,राहुल साहलाई पुर्पक्षका लागि वीरगञ्ज कारागार चलान गरिएको हो ।
घटनाको मुख्य आरोपीहरूमध्ये सुधार केन्द्रका सञ्चालक साहेबबाबु मंसुर उनका भाई साहिल अली, कलैया- ६ का सुरज साह भने हालसम्म फरार रहँदै आएका छन् । प्रहरीले उनीहरुको खोजी कार्य जारी राखेको एसपी तामाङले बताए । उनीहरूको मोबाईल अफ रहेको, समाजिक सञ्जाल पनि निष्क्रिय रहेको त्यस्तै घरपरिवारसित पनि सम्पर्कविहीन रहेकोले खोजीमा समय लागेको उनले जानकारी दिए ।
‘संचालक फरार छन्। हामीले खोजी गरिरहेका छौं,उनीहरू घरपरिवारको पनि सम्पर्कमा छैनन् उनीहरुको मोबाइल समाजिक संजालमा पनि निष्क्रिय छन्उ,’ नले भने ।
पुनःस्थापना केन्द्रमा भर्ना भएको दुई साता नबित्दै कलैया उपमहानगरपालिका- ९ घर भएका ३७ वर्षीय मण्डललाई गत फागुन २ गते कुटपिट गरी सुधार केन्द्रमै हत्या गरिएको थियो ।
उनलाई सुधार केन्द्रका कर्मचारी र त्यहाँ भर्ना भएकाहरूले कुटपिट गरेका थिए । कुटपिटको भिडियो सिसिटिभिमा समेत कैद भएको थियो ।सुधार केन्द्रमा शारीरिक सजाय स्वीकार नगर्दा केन्द्रका कर्मचारीसहितले कुटपिट गर्दा उनको मृत्यु भएको थियो ।
भर्खरै
लोकप्रिय
