वीरगञ्ज – वीरगञ्ज नर्सिङ क्याम्पसमा भएको स्ववियु निर्वाचनमा सभापतिमा अनेरास्ववियु र सचिवमा नेविसंघका उमेदवार बिजयी भएका छन्।
शनिबार सम्पन्न मतगणना परिणामअनुसार क्याम्पसको स्ववियु सभापतिमा अनेरास्ववियुकि आर्जु राय बिजयी भएकी हुन।उनले एक सय ३ मत प्राप्त गरेर सभापति पदमा जित हासिल गरेकी हुन।उनकी निकटतम प्रतिद्वन्द्वी नेविसंघकी दिब्यान्शु श्रेष्ठले ९५ मत प्राप्त गरिन।सभापतिमा अनेरास्ववियु क्रान्तिकारीकी कविता आचार्यले ७२ मत ल्याइन।
सचिव पदमा भने नेविसंघकी मन्दिरा चिमोरिया एक सय ४ मत ल्याएर बिजयी भइन।उनकी निकटतम प्रतिद्वन्द्वी अनेरास्ववियुकि शिलाकुमारी चौहानले ९६ मत प्राप्त गरिन्।
दुई सय ७३ जना मतदाता रहेकोमा दुई सय ७२ खसेको थियोे। क्याम्पसमा विवादका कारण मतगणना बिचमै रोकिएको थियोे।तर प्रमुख जिल्ला अधिकारी गणेश अर्यालको पहलमा सहमति भएपछि शनिबार मतगणना सम्पन्न भइ चुनावी नतिजा सार्वजनिक भएको हो।
भर्खरै
लोकप्रिय
