चलचित्र विकास बोर्डको रिक्त सदस्य पदमा निर्देशक सन्तोष लोहनी नियुक्त

निर्माता, निर्देशक तथा कलाकार सन्तोषबाबु लोहनी चलचित्र विकास बोर्डको रिक्त सदस्य पदमा नियुक्त भएका छन्। संचार तथा सूचना प्रविधि मन्त्रालयको मन्त्रीस्तरीय निर्णयअनुसार उनी सदस्यमा नियुक्त भएका हुन्।

२०४९ सालबाट फिल्म ‘अपमान’मा अभिनय गर्दै करिअर थालेका उनले फिल्म र टेलिभिजन कार्यक्रमको अभिनय, निर्देशन र निर्माणमा पनि सक्रियता दर्शाइरहेका छन्।

‘जय विजय’जस्ता फिल्ममा शीर्ष भूमिका निर्वाह गरेका उनले ‘नारी, द वुमन,’ ‘हेलो नेपाल,’ ‘कोइराला, मानवताका लागि’ जस्ता चर्चित टेलिभिजन कार्यक्रममा पनि काम गरेका छन् ।

उनी निर्देशित पछिल्लाे चलचित्र ‘शुभ लभ’ प्रदर्शनमा आएकाे थियाे।