हुम्लाका कृषक आलुखेतीतर्फ आकर्षित

सिमकोट –हिमाली जिल्ला हुम्लामा आलुखेतीप्रति किसानको आकर्षण बढ्दै गएको छ। उनीहरुले आलुखेतीबाट मनग्ये आम्दानी गर्न थालेपछि यसतर्फ आकर्षित भएका हुन्।

सिमकोट गाउँपालिका– २ का अमरसिंह भण्डारीले आम्दानीको राम्रो श्रोत भएको कारण दुई वर्षयता आलुखेती बिस्तार गरेको बताए। गत वर्ष चार रोपनी जग्गामा आलु खेती गरेर उत्पादन गर्दै आएका भण्डारीले यस वर्ष थप दुई रोपनी जगामा आलुखेती बिस्तार गरेका छन्। माघामा रोपेको आलु जेठमा बजारमा लगिने उनले बताए।

उनले पहिले आलु नै खेती नगर्ने किसान पनि अहिले आलु खेतीतर्फ आकर्षित हुन थालेको बताए। पहिले सीमित ठाउँमा आलु खेती गरिए पनि अहिले त्यमा वृद्धि भएको कृषि विकास कार्यालयका प्रमुख चुणमणी पन्तले जानकारी दिए।