कास्की –पोखरामा मोटरसाइकलको स्वरुप परिवर्तन (मोडिफाइड) गरी चर्को ध्वनि निकाल्नेलाई प्रहरीले नियन्त्रणमा लिएको छ। जिल्ला प्रहरी कार्यालय कास्कीले ३५ वटा मोटरसाइलक नियन्त्रणमा लिएको हो। ती मोटरसाइकल बैशाख ३ देखि १४ गतेसम्म नियन्त्रणमा लिइएका हुन्।
जिल्ला प्रहरी कार्यालय मातहतका इकाइ र जिल्ला ट्राफिक प्रहरी कार्यालयको संयुक्त प्रयासमा नियन्त्रणमा लिन सफल भएको जिल्ला प्रहरी कार्यालय कास्कीका सूचना अधिकारी डिएसपी बसन्तकुमार शर्माले बताए।
चर्को आवाजमा ध्वनी प्रदुषण गर्दै हिड्ने सवारी साधन चेकजाँच गर्दा स्वरुप परिवर्तन (मोडिफाइड) गरिएकालाई नियन्त्रणमा लिइ आवश्यक कारवाहीको लागि यातायात व्यवस्था कार्यालय पोखरा पठाइएको उनको भनाइ छ।
कसैले स्वरुप परिवर्तन गरी ध्वनी प्रदूषण गर्दै मोटरसाइकल चलाएको देखेमा जिल्ला प्रहरी कार्यालयको १०० र जिल्ला ट्राफिक कार्यालयको १०३ मा टेलिफोन गरी सूचना दिनको लागि प्रहरीले अनुरोधसमेत गरेको छ।
भर्खरै
लोकप्रिय
