अ
+
अ
अ
-
काठमाडौँ- सांगीतिक रियालिटी शो ‘द भ्वाइस अफ नेपाल’को छैटौं सिजनको उपाधि धादिङका प्रोशेष पाण्डेले जितेका छन्।
शुक्रबार राति आयोजित अन्तिम प्रतिस्पर्धामा टीम खेम सेन्चुरीको समूहका प्रतिस्पर्धी पाण्डे विजेता घोषित भएका हुन्।
कोच मेलिना राईको समूहबाट खोटाङका रोशन राई फस्ट रनरअप घोषित भए।
कोच राजु लामाको समूहका इलामका प्रमेश राई सेकेन्ड रनरअप घोषित भए।
कोच उदय सोताङको समूहबाट प्रतिस्पर्धी गरेकी भारत सिक्किमकी अर्पणा आचार्य थर्ड रनरअप घोषित भइन्।
विजेतालाई हिमालय टेलिभिजनका अध्यक्ष धर्मराज भुसाल लगायतका अतिथिले पुरस्कार प्रदान गरे।
विजेता भएसँगै पाण्डेले भ्वाइसबाट २० लाख नगद प्राप्त गरे भने अन्य दुई प्रायोजकबाट १/१ लाख रुपैयाँ प्राप्त गरे।
जितपछि संक्षिप्त प्रतिक्रिया दिँदै पाण्डेले आफ्नो जित फरक क्षमता भएकाहरूको जित भएको बताए।
भर्खरै
लोकप्रिय
