लुम्बिनी साँस्कृतिक तथा खाना महोत्सव सुरु

लुम्बिनी – बुद्ध जयन्तीकाे अवसरमा लुम्बिनी साँस्कृतिक तथा खाना महोत्सव २०८२ सुरु भएको छ। साेमबार लुम्बिनी प्रदेशका मुख्यमन्त्री चेतनारायण आचार्यले महाेत्सवकाे उद्घाटन गरे।

हाेटल व्यवसायी संघ लुम्बिनीलगायतका संघ संस्थाहरूले संयुक्त रूपमा उक्त महोत्सवकाे आयाेजना गरेका हुन्। याे महोत्सवले बाैद्धकालीन समयकाे नाट्य श्रृङ्खला र रैथाने खानालाई समेत प्रवर्द्धन गर्ने उद्देश्य राखेकाे छ।

महोत्सवमा देशभित्र र बाहिरबाट आएका बाैद्ध धर्मावलम्बीहरूसहित स्थानीयहरूकाे उल्लेखनीय सहभागिता देखिएकाे छ।