रंगकर्मी घिमिरे युवराजको लेखन तथा निर्देशनमा नाटक ‘लस्ट एण्ड फाउन्ड’ नियमित काठमाडौँको बत्तीसपुतलीस्थित शिल्पी थिएटर मञ्चन भइरहेको छ।
जेठ गतेसम्म मञ्चन हुने नाटकले पहिचान, नागरिकताबिहिनताको मानसिक आघात, परिवार र सम्बन्ध तथा यशोधराको मातृत्व संघर्षलाई निकै संवेदनशीलताका साथ समेट्न खोजेको छ।
बुद्धभूमि नेपालको लुम्बिनी क्षेत्रमा गाइड गर्ने २५ वर्षीय भूमि (पवित्रा खड्का) र लामो समय क्यानाडा बसेर नेपाल घुम्न आएका ४८ वर्षीय सागर (सुमित भण्डारी)को वरिपरि मानसिकता रहेको नाटक लष्ट एण्ड फाउण्डले महिला अधिकार र माटोको कथा पनि भन्दछ। भूमि सागरलाई बुद्धको कथा सुनाउँदै जान्छिन् भनेर आफ्नै आमाबाट बुवाको पहिचान नपाएको प्रति पनि उनलाई समाज र राज्य प्रणालीसँग गुनासो छ। बहुव्यक्तित्वको समस्यामा परेकी भूमिको शरीरमा बेला बेला बोल्ने पात्र र आफ्नो बाको पहिचानका लागि संघर्ष गरेकी भूमिकाले के बा भेट्लिन्? यसकाे उत्तर खोज्न भने नाटक नै हेर्नु पर्दछ।
युवा मनोविज्ञान र मिथमा आधारित नाटकलाई भव्य सेट र लाइटले थप जिवन्त तुल्याएको छ।
नाटकमा सुहाना आचार्य र गोविन्द ओलीलगायत कलाकारहरुको अभिनयले देख्न सकिन्छ । नाटक देव न्यौपाने र निरज चौधरीले प्रविधिमा सघाएका छन्।
निर्देशक तथा लेखक घिमिरे युवराजले नाटक ‘लस्ट एण्ड फाउन्ड’लाई पुस्तकाकार पनि दिएका छन्, जसलाई सांग्रिला बुक्सले बजारमा ल्याएको हो।
भर्खरै
लोकप्रिय
