संक्षिप्त ‘महाभारत’ एक कार्यक्रमबिच लोकापर्ण भएकाे छ। बागबजार काठमाडौंमा आयोजित कार्यक्रममा आख्यानकार भुवनहरि सिग्देल, समिक्षक राजकुमार बानियाँ, विश्लेषक शंकर तिवारी, आख्यानकार शैलेन्द्र अधिकारी, कवि हेम प्रभास लगायतले पुस्तक सार्वजनिक गरे।
प्राचीन ऐतिहासिक ग्रन्थका रूपमा परिचित विश्वकै सबैभन्दा ठूलो महाकाव्य ग्रन्थ महाभारतको नेपाली अनुवाद बजारमा आएको हाे। हिन्दुहरूको एक प्रमुख ग्रन्थ मानिए पनि महाभारत विश्वभर नै चर्चित रहेको छ।
यो ग्रन्थ महर्षि वेदव्यास आफूले बोलेर भगवान्श्रीगणेशबाट लेखाएका हुन्र महाभारत–कथाभित्रका एक पात्र उनै व्यास पनि रहेका छन्। एक लाख श्लोकमा रहेको यस ग्रन्थलाई नेपाली भाषामा अनुवाद गरेर गद्यशैलीमाबजारमा ल्याइएको हो।
चारवटा भागमा प्रकाशित यो अनुवाद–ग्रन्थ शिखा पब्लिकेशन र अनुवाद रोशन दाहालले गरेका हुन्। कथात्मक शैलीमा अनुवाद भएको हुनाले महाभारत अध्ययन गर्न चाहने तर श्लोकको अर्थ नुबझ्ने पाठकका लागिसमेत यो ग्रन्थ पठनीय रहेको प्रकाशक पुष्पराज पौडेल बताए।
भर्खरै
लोकप्रिय
