काठमाडौँ- कवि तथा गीतकार युवराज अधिकारीले ‘युद्ध युद्ध नै हुन्छ’ कविता सङ्ग्रह लिएर आउने भएका छन्।
एपेक नेपालको आयोजनामा शनिबार ७ गते सार्वजनिक गरिने भएकाे छ। सार्वजनिक कार्यक्रममा रङ्गकर्मी वीरेन्द्र हमालको निर्देशनमा अधिकारीका केही कविताहरू मञ्चन हुनेछ।
गीतकार अधिकारीले २०३६ साल तिरै ‘मेरा चित्कारहरू’ कवितासंग्रह बजारमा ल्याएका थिए। यस्तै उनको एकल रचनाको गीति सङ्ग्रह ‘देउरालीको फूल’ यसअघि सार्वजनिक भैसकेको छ। अन्य फुटकर गीतहरू पनि रेकर्ड भएका छन्।
अधिकारीले कतारमा सम्पन्न स्टार इन्टरनेशनल अवार्डमा सर्वोत्कृष्ट गीति एल्बमको अवार्ड र नेपालमा सम्पन्न म्युजिक खबर अवार्डमा सर्वोत्कृष्ट गीतको अवार्ड प्राप्त गरेका छन् ।
२०४३ सालबाट नेपाल वायु सेवा निगममा स्थायी जागिरे भएका उनी विभिन्न जिम्मेवारीमा रहँदै अवकाश पाएका थिए । हाल उनी निगमको कार्यकारी अध्यक्ष छन्।
भर्खरै
लोकप्रिय
