काठमाडौँ। नेपाली साहित्यमा हरेक वर्ष प्रदान गरिने प्रतिष्ठित पद्मश्री साहित्य पुरस्कारका लागि २०८१ सालको प्रारम्भिक उत्कृष्ट सूची (लङलिस्ट) सार्वजनिक भएको छ।
खेमलाल हरिकला लामिछाने प्रतिष्ठानले यस वर्ष प्राप्त २०३ साहित्यिक कृतिहरूमध्येबाट १५ वटा पुस्तकको विस्तारित सूची सार्वजनिक गरेको हो।
पद्मश्री साहित्य पुरस्कार २०८१ को उत्कृष्ट विस्तारित सूची (अकारादी क्रममा):
अर्हत – उपन्यास, शैलेन्द्र अधिकारी
उरमाल – आख्यान, छुदेन काविमो
एउटा मायी नगरमा – कथा संग्रह, रमेश क्षितिज
छालबाटो – गैह्र आख्यान, रमेश भुसाल
प्रणाम सगरमाथा – नियात्रा, भवानी खतिवडा
प्रवासीको देश हुन्न – आख्यान, पंचम अधिकारी
पानीको परेड – कविता, दिनेश अधिकारी
बहुरुपी – कथासंग्रह, श्रेयज सुवेदी
रुदाने – उपन्यास, टंक चौलागाई
स्व – उपन्यास, सरस्वती प्रतीक्षा
साँझमा सेल्फी – कविता, हेम प्रभास
सावर्णि – उपन्यास, डा श्रीधर खनाल
सिमसारा – आख्यान, वसन्त बस्नेत
श्री ५ को सेवामा – संस्मरण, हेमन्त मिश्र
हिउँको गीत – उपन्यास, तीर्थ गुरुङ
पुरस्कार चयन समितिले तयार पारेको यो सूचीबाट आगामी महिना पाँचवटा पुस्तकको उत्कृष्ट संक्षिप्त सूची चयन गरिनेछ। खेमलाल हरिकला लामिछाने प्रतिष्ठानका अध्यक्ष जीवा लामिछानेले रत्ननगर, चितवनबाट जारी गरेको विज्ञप्तिमा सो विषयमा जानकारी गराइएको हो।
भर्खरै
लोकप्रिय
