काठमाडौँ – चलचित्र विकास बोर्डद्वारा राष्ट्रपति कार्यालय शीतल निवासमा सोमबार आयोजित ‘राष्ट्रिय चलचित्र पुरस्कार तथा सम्मान समारोह २०८१’ मा चलचित्र पूर्णबहादुरको सारंगीबाट विजय बराल उत्कृष्ट अभिनेता घोषित भएका छन्।
उक्त समारोहमा अभिनेत्री उपासना सिंह ठकुरीले उत्कृष्ट अभिनेत्रीको अवार्ड प्राप्त गरिन्।
यस वर्षको उत्कृष्ट राष्ट्रिय चलचित्रको रुपमा मीनबहादुर भामद्वारा निर्देशित साम्बालालाई घोषणा गरिएको छ। भामले उत्कृष्ट निर्देशकको अवार्ड पनि यही फिल्मबाट जिते।
छक्का पञ्जा ५ बाट दीपकराज गिरी उत्कृष्ट लेखन, पूजार सार्कीबाट भरत रेग्मी उत्कृष्ट सम्पादन र पिताम्बरबाट पुरुषोत्तम प्रधान उत्कृष्ट छायाँकार घोषित भए। त्यस्तै, पूजार सार्कीबाट अभिनेता प्रदीप खड्काले निर्णायक समिति प्रोत्साहन पुरस्कार (जुरी अवार्ड) हात पारे।
पुरस्कृतहरूलाई राष्ट्रपति रामचन्द्र पौडेलले पुरस्कार प्रदान गरेका थिए।
भर्खरै
लोकप्रिय
