दाङमा मोटरसाइकल दुर्घटनामा परी दुई किशोरको मृत्यु

दाङ- दाङको घोराहीमा सोमबार राति भएको मोटरसाइकल दुर्घटनामा परी दुई किशोरको मृत्यु भएको छ ।

मृत्यु हुनेमा गढवा गाउँपालिका–८ घर भई हाल घोराही उपमहानगरपालिका–१७ भैंसाहीमा डेरा गरी बस्ने १८ वर्षीय रोहित विक र १६ वर्षीय निशान विक रहेको जिल्ला प्रहरी कार्यालय दाङले जानकारी दिएको छ ।

रा ७ प ३२७० नम्बरको मोटरसाइकल घोराही–२ रामपुरबाट घोराही बजारतर्फ जाँदै गर्दा घोराही उपमहानगरपालिका–४ सिस्नेखोलामा अनियन्त्रित भइ पल्टिएको थियो । दुर्घटनामा गम्भीर घाइते भएका दुवै जनाको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो ।

प्रहरीको प्रारम्भिक अनुमान अनुसार तीव्र गतिका कारण मोटरसाइकल दुर्घटना भएको हो ।