काठमाडौँ – काठमाडौं महानगरपालिका वडा नं. २६ मा अवस्थित ऐतिहासिक गा: हिटीको पुनर्निर्माण कार्य तीव्र गतिमा अघि बढिरहेको छ।
जीर्ण अवस्थामा पुगेको यो सांस्कृतिक सम्पदालाई पुरानै स्वरूपमा जगेर्ना गर्न महानगरको सम्पदा तथा पर्यटन विभागको समन्वयमा काम भइरहेको हो।
ठमेल गा:हिटी परिवार उपभोक्ता समितिको संयोजनमा पुरातात्त्विक महत्वलाई ध्यानमा राख्दै भुइँ निर्माणका लागि विशेष ईँटा प्रयोग गरिएको छ भने, काठको काम र रंगरोगन समेत गरिँदैछ। सम्पदाको मौलिकता र परम्परागत शैली जोगाउन ध्यान दिइएको उपभोक्ता समितिले जनाएको छ।
यस परियोजनाको कुल सम्झौता रकम ७३ लाख ३३ हजार रुपैयाँ रहेको छ (भ्याट र ओभरहेड बाहेक)। सम्झौता २०७८ फागुन ६ गते मा भई पुनर्निर्माण कार्य २०८२ फागुन ६ गते भित्र सम्पन्न गर्ने लक्ष्य रहेको महानगरले जनाएको छ।
काठमाडौं महानगरपालिकाले पुरातात्त्विक सम्पदाहरूको संरक्षण र प्रवर्द्धनमा विशेष ध्यान दिँदै आएको छ। गा: हिटीको पुनर्निर्माण त्यही प्रयासको एउटा महत्वपूर्ण पाटो भएको महानगरका अधिकारीहरूले बताएका छन्।
तस्बिरहरूः
भर्खरै
लोकप्रिय
