काठमाडौँ- सातबुँदे माग राखेर माइतीघरमा आमरण अनसन बसिरहेका खोटाङको दिक्तेल मझुवागढी नगरपालिकाका मेयर तीर्थराज भट्टराईलाई प्रहरीले उठाउन खोजेपछि तनाव भएको छ।
प्रहरीले उनलाई त्यहाँबाट उठाएर रत्नपार्कस्थित शान्तिबाटिकामा लैजान खोजेको थियो । त्यसक्रममा भट्टराईका समर्थकले प्रतिरोध गरेपछि प्रहरी पछि हटेको छ ।
आइतबारदेखि सत्याग्रह सुरु गरेका भट्टराई माग पूरा नभएपछि आजदेखि आमरण अनसन बसेका हुन्।
यसअघि बुधबार दिउँसो उनीसँग भएको छलफलमा सहरी विकास मन्त्रालयका प्रवक्ता नारायण प्रसाद मैनाली, सहरी विकास तथा भवन निर्माण विभागका महानिर्देशक मच्चा काजी महर्जन, उप-महानिर्देशक सुनिल कुमार ठाकुर र नगरपालिका संघका केन्द्रीय अध्यक्ष भिम प्रसाद ढुङ्गानाको उपस्थिति थियो।
वार्ता सकारात्मक दिशातर्फ अघि बढेको र तीर्थराज भट्टराईको तर्फबाट उपमेयरसहितको टोली थप छलफल तथा सहमतिका लागि वन मन्त्रालय जाने निर्णय भएको बताइए पनि उनी आमरण अनशनमा उत्रिएका हुन्।
भर्खरै
लोकप्रिय
