यमनको समुद्रमा डुंगा दुर्घटनामा पर्दा कम्तीमा ६८ जना आप्रवासीहरूको मृत्यु भएको छ।
संयुक्त राष्ट्रसङ्घको आप्रवासन मामिला हेर्ने निकायका अनुसार गल्फ अफ एडेनमा डुबेको डुंगामा अधिकांश इथियोपियालीहरू थिए भने डुंगा डुबेपछि दर्जनौँ अझै बेपत्ता छन्।
अहिलेसम्म डुंगामा सवार १५७ मध्ये ६८ जनाको मृत्यु हुनुका साथै १२ जनालाई उद्धार गरिएको अन्तर्राष्ट्रिय सञ्चारमाध्यमहरूले जानकारी दिएका छन्।
गत महिना पनि आप्रवासीहरूलाई बोकेको डुङ्गामा रेड सीमा तस्करहरूले आक्रमण गरेपछि कम्तिमा आठ जनाको मृत्यु भएको संयुक्त राष्ट्रसङ्घको आप्रवासन एजेन्सीले जनाएको छ।
आप्रवासनका लागि अन्तर्राष्ट्रिय सङ्गठनका अनुसार दशौँ हजार आप्रवासीहरू यमनमा फसेका छन्।
गत वर्ष आइओएमले यमनबाट खाडीतर्फ जाने ‘रेड सी’ मार्गमा कम्तिमा ५५८ जनाको मृत्यु भएको रेकर्ड गरेको थियो, जसमा ४६२ जनाको मृत्यु डुङ्गा दुर्घटनाका कारण भएको मानिएको छ।
भर्खरै
लोकप्रिय
