काठमाडौँ – ‘नाडा अटो शो २०२५’ भदौ ३ गतेदेखि ८ गतेसम्म काठमाडौँको भृकुटीमण्डपमा आयोजना हुने भएको छ। उक्त अटो शो अहिलेसम्मकै ठूलो हुने आयोजकको दाबी छ।
यो वर्षको शो ‘Go For More’ भन्ने नाराका साथ आयोजना हुँदै छ, जसले दिगो र स्मार्ट मोबिलिटीमा विशेष जोड दिएको छ। प्रदर्शनीमा नवीनतम प्रविधि, सवारी साधनका ब्रान्डहरू र अटो क्षेत्रका सबै सरोकारवालाहरू एकै ठाउँमा भेला हुनेछन्।
यो शोको मुख्य आकर्षणमध्ये UNITREE रोबोट्स र भविष्यको शहरी हवाई मोबिलिटीको झलक दिने Deepal eVTOL UAV को प्रस्तुति रहनेछ।
यस्तै, प्रदर्शनीमा १९ वटा चारपांग्रे, १३ वटा हल्का व्यावसायिक सवारी साधन र ४ वटा दुईपांग्रे ब्रान्डहरूले भाग लिनेछन्।प्रदर्शनीमा १ लाखभन्दा बढी दर्शक आउने अपेक्षा गरिएको आयोजकको भनाइ छ।
सवारी साधनका ब्रान्डबाहेक, ल्युब्रिकेन्ट, टायर, ब्याट्री, ग्यारेज उपकरण र वित्तीय संस्थाहरू गरी ३५ कम्पनीसहित १२५ भन्दा बढी प्रदर्शकहरू सहभागी हुनेछन्।
तस्बिरहरु – नेपाल फोटो लाईब्रेरी
भर्खरै
लोकप्रिय
