धनगढी- साउन बाजुराको बडिमालिका मन्दिरबाट दर्शन गरेर फर्कने क्रममा लडेर एकजनाको मृत्यु भएको छ ।
पूर्वशिक्षामन्त्री देवीप्रसाद ओझाका ५२ बर्षका छोरा विप्लब ओझाको मृत्यु भएको जिल्ला प्रहरी कार्यलय बाजुराका प्रमुख डिएसपी ईकवाल हवारीले बताएका छन् ।
बडिमालिका मन्दिरबाट १ घण्टाको दुरीमा तल झर्ने क्रममा लडेर मृत्यु भएको प्रहरीले जनाएको छ । उनी ७ सय मिटर तल खोंचमा खसेका छन् ।
प्रहरीले खोचबाट शव निकाल्ने लागेको जनाएको छ । विप्लब ओझाको हाल गोकर्णश्वर ५ काठामाडौं बस्ने गरेका छन् । उनी राति नै बडिमालिका बाट फर्केको हुनसक्ने प्रहरीले जनाएको छ ।
राति हिँडेका कारणले भीरमा लडेर मृत्यु भएको हुनसक्ने प्रहरीले अनुमान गरेको छ । बिहान साढे ८ बजे मात्र उनको लडेर मृत्यु भएको प्रहरीले जानकारी गराएको छ ।
बडिमालिकामा आज पूजा लागिरहेको छ । शक्तिपीठका रुपमा रहको बडिमालिकामा यस बर्ष साउन २३ गते अर्थात आज पूजा लागिरहेको छ । त्यस्तै बुढीनन्दामा पूजा सुरु भएको छ ।
भर्खरै
लोकप्रिय
