काठमाडौं- डोङफेङ नामीले छोटो समयमै नेपालको विद्युतीय सवारीसाधन (ईभी) बजारमा महत्त्वपूर्ण प्रभाव जमाउन सफल भएको छ। आधुनिक डिजाइन, स्मार्ट फिचर, र प्रभावशाली प्रदर्शनका कारण नामी चाँडै नै नेपाली ग्राहकहरूको रोजाइको ईभी बन्न पुगेको छ। यसको सफलताका पछाडि केही प्रमुख कारणहरू रहेका छन्।
१. लामो रेन्ज र भरपर्दो प्रदर्शन
नामीको सबैभन्दा ठूलो सफलतामध्ये एक हो, यसले प्रयोगकर्ताको वास्तविक आवश्यकताहरूलाई पूरा गर्नु। कम्पनीले दाबी गरेको ३०० किलोमिटरभन्दा बढीको रेन्जले नामीलाई लामो दुरीको यात्रामा पनि ढुक्कसँग चलाउन सकिन्छ। नेपालमा फास्ट चार्जिङ स्टेशनहरूको संख्या अझै सीमित भएकाले यो विशेषता ग्राहकहरूका लागि निकै महत्त्वपूर्ण बनेको छ। दैनिक कार्यालय यात्रा होस् वा शहर बाहिरको लामो यात्रा, नामीले भरपर्दो रेन्ज र प्रदर्शन प्रदान गर्छ।
२. ‘भ्याल्यु-फर-मनी’ कार
नामीलाई नेपाली ग्राहकहरूले ‘भ्याल्यु-फर-मनी’ कारको रूपमा हेरेका छन्। कम बजेटमा पनि प्रभावशाली सुविधाहरू र प्रिमियम लुक्स उपलब्ध गराएकाले यो कार पहिलो पटक ईभी किन्ने ग्राहकहरूका लागि आकर्षक विकल्प बनेको छ।
३. आकर्षक डिजाइन र आरामदायी यात्रा
नामीको बाहिरी डिजाइनले पनि धेरै ग्राहकलाई आकर्षित गरेको छ। यसको स्मूथ बडीलाइन र आधुनिक कर्वले यसलाई सडकमा स्टाइलिश देखाउँछ। बाहिरबाट मात्र होइन, भित्र पनि यो व्यावहारिक र आरामदायी छ। प्रशस्त स्पेस, डिजिटल डिस्प्ले र सहज नियन्त्रणले प्रत्येक यात्रालाई रमाइलो बनाउँछ।
४. टिकाउपन र सुरक्षा
नामी टिकाउ र भरपर्दो ईभी हो। यसको सहज ड्राइभिङ अनुभव, संवेदनशीलता र मर्मतमा सजिलो प्रक्रियाले ग्राहकहरूलाई सन्तुष्ट बनाएको छ। बलियो बनावट, गुणस्तर, र अत्याधुनिक सुरक्षा प्रविधिले नेपाली सडकको अवस्थामा पनि चालकलाई आत्मविश्वास दिन्छ।
५. वातावरणमैत्री विकल्प
वातावरणीय चिन्ता बढ्दै गएको र सरकारले ईभीलाई प्राथमिकता दिएको समयमा नामीको आगमनले ग्राहकहरूलाई एक व्यावहारिक र वातावरणमैत्री विकल्प प्रदान गरेको छ। काठमाडौंका सडकदेखि देशैभरि नामीका गाडीहरू देखिनुले यसले नेपाली बजारमा विशेष स्थान बनाइसकेको कुरा पुष्टि गर्छ। यो सफलता कुनै सामान्य कारको प्रचार मात्र नभई स्मार्ट, सफा र किफायती सवारीसाधनप्रतिको बढ्दो ग्राहक विश्वासको प्रतिबिम्ब हो।
भर्खरै
लोकप्रिय
