काठमाडौं- सामसङ नेपालले नेपाली बजारमा आफ्नो प्रिमियम २०२५ QLED टिभी मोडेलको नयाँ लाइनअप सार्वजनिक गरेको छ। यी टिभीहरूमा अत्याधुनिक ‘सामसङ भिजन एआई’ प्रविधि समावेश गरिएको छ, जसले उपभोक्तालाई अझ स्मार्ट, जीवन्त र व्यक्तिगत स्क्रिन अनुभव प्रदान गर्ने कम्पनीले जनाएको छ।
सामसङ भिजन एआई, नयाँ पुस्ताको एआई क्षमतासहितको यो प्रविधि तीन मुख्य स्तम्भमा आधारित छ:
१. एआई मोड: यसले उन्नत डीप-लर्निङ एल्गोरिदमको प्रयोग गरी हेर्दै गरेको सामग्री र वरिपरिको वातावरणअनुसार तस्वीर र आवाजलाई वास्तविक समयमा समायोजन गर्छ।
२. एआई एक्सपीरियन्स: यो सुविधाले प्रयोगकर्ताको रोजाइलाई समयसँगै सिक्दै सामग्री सुझाव र सेटिङहरूलाई व्यक्तिगत बनाउँछ।
३. मल्टी-डिभाइस कनेक्टिभिटी: यसले टिभीलाई स्मार्टफोन, ट्याब्लेट वा अन्य स्मार्ट उपकरणहरूसँग सजिलै जोड्न सकिने व्यवस्था गर्छ।
सामसङ नेपालका सीई बिजनेस हेड, मिलन कुमार झाले भने, “सामसङ भिजन एआई ले व्यक्तिगत र एआई-समर्थित स्क्रिन अनुभवको नयाँ युग सुरु गरेको छ। हामी ‘It’s Your Show’ भन्छौं, जहाँ नियन्त्रण पूर्ण रूपमा प्रयोगकर्ताकै हातमा हुन्छ। हाम्रा नयाँ एआई टिभीहरूले प्रत्येक दृश्यमा नयाँ जीवन भरेका छन्।” उनले यसले प्रिमियम टिभी सेग्मेन्टमा कम्पनीको नेतृत्व अझ मजबुत हुने विश्वास व्यक्त गरे।
अन्य प्रमुख विशेषताहरू
नयाँ टिभी लाइनअपमा धेरै आकर्षक सुविधाहरू छन्:
- युनिभर्सल जेस्चर कन्ट्रोल: यसले रिमोट बिना नै सजिलो हातको इशाराबाट टिभी नियन्त्रण गर्न सकिने सुविधा दिन्छ।
- एआई अपस्केलिङ: कम रिजोलुसनको सामग्रीलाई 4K गुणस्तरमा रूपान्तरण गर्न सक्ने यो सुविधा सामसङको NQ8 एआई Gen3 प्रोसेसरद्वारा सञ्चालित छ।
- जेनरेटिभ वालपेपर: यो सुविधाले निष्क्रिय स्क्रिनलाई एआईको सहयोगमा मूड वा अवसरअनुसार अद्वितीय 4K चित्र सिर्जना गरी व्यक्तिगत कला-क्यानभासमा बदल्छ।
- पेट एन्ड फ्यामिली केयर मोड: यसले घरपालुवा जनावर वा परिवारका सदस्यहरूको असामान्य गतिविधि पत्ता लगाएर प्रयोगकर्तालाई सचेत गराउँछ।
मूल्य र उपलब्धता
सामसङको नयाँ २०२५ QLED TV लाइनअपका साथै नयाँ Crystal UHD, FHD, र HD टिभीहरू पनि नेपालभरका सबै आधिकारिक सामसङ रिटेल स्टोरहरूमा उपलब्ध छन्। कम्पनीले विभिन्न मोडलहरूको मूल्यसमेत सार्वजनिक गरेको छ।
| सेग्मेन्ट | इन्च | मोडल कोड | मूल्य (रु) |
|---|---|---|---|
| QLED | ८५” | QA85Q7FAARSHE | ३,९९,९९० |
| QLED | ७५” | QA75Q7FAARSHE | २,८९,९९० |
| QLED | ६५” | QA65Q8FAARSHE | २,५५,९९० |
| QLED | ५५” | QA55Q8FAARSHE | १,८२,९९० |
| UHD | ६५” | UA65U8500FRSHE | १,४५,९९० |
| UHD | ५५” | UA55U8500FRSHE | ९९,९९० |
| UHD | ४३” | UA43U8500FRSHE | ७४,९९० |
| FHD | ४३” | UA43F5550FUXXL | ५४,९९० |
| HD | ३२” | UA32H4570FUXXL | ३८,९९० |
ग्राहकहरूले ह्युलास फिनसर्भ हायर पर्चेज लिमिटेड (Hulas Finserve Hire Purchase Ltd.) मार्फत ०% ब्याजदरमा मासिक किस्तामा (रु ९,९२७ बाट सुरु) पनि नयाँ टिभी खरिद गर्न सक्नेछन्। साथै, पुराना टिभीहरू साटासाट गर्ने सुविधा पनि उपलब्ध रहेको छ।
भर्खरै
लोकप्रिय
