काठमाडौँ- कीर्तिपुरस्थित त्रिभुवन विश्वविद्यालयको क्रिकेट मैदानमा प्याराफिट निर्माण र सिट राख्ने काम अन्तिम चरणमा पुगेको छ।
यो काम २०८१ फागुन १९ गते बिकेओआई–केसीडिसी–बिजी जेभीले सम्झौता गरी २० गतेबाट सुरु गरेको थियो।
निर्माण कम्पनीका प्रतिनिधि प्रेम पौडेलका अनुसार, रु ४३ करोड ७७ लाखको लागतमा भइरहेको यो निर्माण कार्य करिब ९५ देखि १०० प्रतिशतसम्म सकिएको छ। अब सरसफाइ, रेलिङ फिटिङ जस्ता सामान्य कामहरू मात्र बाँकी छन्।
कुल १० हजार दर्शक क्षमता रहेको यस मैदानको प्याराफिटलाई पूर्वी र पश्चिमी खण्डमा विभाजन गरिएको छ। पूर्वी खण्डमा २२९० र पश्चिमी खण्डमा ७७१० कुर्सी राखिएको पौडेलले जानकारी दिए।
यसैगरी, मैदानमा फ्लडलाइट जडान गर्ने काम पनि छिट्टै सुरु हुनेछ। रु २७ करोड ४० लाखको लागतमा यसको ठेक्का पाएको विशाण–ईश्वरी जोइन्ट भेन्चरले ६ वटा लाइटका लागि सबै पोलहरू ल्याइसकेको र केही दिनमै जडान कार्य थालनी गरिने जनाएको छ।
तस्बिरहरूः
भर्खरै
लोकप्रिय
