गोरखा – उत्तरी गोरखाको एक दुर्गम गाउँमा भीरबाट लडेर दुई जनाको मृत्यु भएको छ। चुमनुब्री गाउँपालिका–६ धुम्चेका करिब ४३ वर्षका रिञ्जिन लामा र सिप्चेतका करिब ४२ वर्षका हिसेदोर्जे लामाको भीरबाट लडेर मृत्यु भएको हो।
चुम्लिङ र सिप्चेतको बीचमा पर्ने धादाङकोक भन्ने ठाउँको भीरबाट करिब एक सय मिटर तल स्यारखोलामा खसेर उहाँहरुको मृत्यु भएको मृतकका आफन्त नुर्बु दोर्जेले बताए।
“आइतबार चुम्लिङमा विद्युत् समितिको बैठक भएको थियो, बैठकबाट फर्कने क्रममा रिञ्जिन लामा हराउनुभएको थियो, उनको शव आज विहान गाउँलेले भेटेका थिए”, उनले भने।
रिञ्जिनको शव हिसेदोर्जेले भेट्टयाएका थिए। उनको शव लिएर लिएर खोलातर्फ जाने क्रममा आज विहान ९ बजेतिर सोही ठाउँबाट खरेस हिसेदोर्जेको मृत्यु भएको हो।
प्रहरीले घटनास्थलमा पुगेर अनुसन्धान सुरु गरेको जिल्ला प्रहरी कार्यालयका प्रहरी उपरीक्षक भरतबहादुर विकले जानकारी दिए।
भर्खरै
लोकप्रिय
