झापा- झापाको बुद्धशान्ति गाउँपालिका-३, धर्मकाटास्थित मेची राजमार्गमा सवारी दुर्घटना हुँदा ९ जना घाइते भएका छन्।
ताप्लेजुङबाट बिर्तामोडतर्फ आउँदै गरेको प्र १-०१-००१ ज ४०८८ नम्बरको ईभी भ्यान अनियन्त्रित भई बुधबार बिहानको राति दुर्घटना हुँदा चालकसहित ९ जना घाइते भएका छन्।
दुर्घटनामा घाइते भएका सबैलाई तत्काल उद्धार गरी उपचारका लागि बिएनसी अस्पताल, बिर्तामोड पठाइएको छ।
घटनालगत्तै प्रहरीले चालक ताप्लेजुङ फुङलिङ गाउँपालिका-२ का करिब ३० वर्षीय लाक्पा थेपेन शेर्पालाई सामान्य सोधपुछका लागि नियन्त्रणमा लिएको छ। उनी बोल्न सक्ने अवस्थामा छन्।
घाइते हुनेहरूमा चालक बाहेक अन्य ८ जना रहेका छन्। उनीहरुको विवरण यस प्रकार छ:
१२ वर्षीय सेसेहाङ सुवा, भक्तपुर चाँगुनारायण न.पा.-१
३४ वर्षीय प्रेम यौङहाङ, भक्तपुर चाँगुनारायण न.पा.-१
३२ वर्षीय टिका लिम्बु, भक्तपुर चाँगुनारायण न.पा.-१
४४ वर्षीय बिजय लिम्बु, झापा अर्जुनधारा न.पा.-१०
४२ वर्षीय मन कुमारी लिम्बु, झापा अर्जुनधारा न.पा.-१०
१९ वर्षीया सुविमा लिम्बु, भक्तपुर चाँगुनारायण न.पा.-१
२१ वर्षीया मनिता धिमाल, झापा दमक न.पा.-३
४३ वर्षीया रिता धिमाल, झापा दमक न.पा.-३
दुर्घटनास्थलमा भ्यान तत्कालै रहेको र सडक अवरुद्ध नभएको प्रहरीले जनाएको छ। घटनाबारे थप अनुसन्धान भइरहेको छ।
भर्खरै
लोकप्रिय
