काठमाडौँ- म्यारियट काठमाडौँद्वारा आयोजित ‘एमक्यूब नेपाल’ कार्यक्रम अन्तर्गत बीवाइडीसँगको सहकार्यमा ‘काठमाडौँ क्रोनिकल्स’ को घोषणा गरिएको छ।
यो पहलले नेपालको सुन्दरता, इतिहास र संस्कृतिलाई एक अद्वितीय अनुभवमार्फत उजागर गर्ने लक्ष्य राखेको छ।
यो कार्यक्रम म्यारियटका MICE (Meetings, Incentives, Conferences and Exhibitions) पार्टनरहरूका लागि तयार पारिएको हो। यसको मुख्य उद्देश्य सहकार्य र आपसी सम्बन्धलाई अझ प्रगाढ बनाउँदै काठमाडौँको सांस्कृतिक सम्पदालाई जीवन्त अनुभवका साथ चिनाउनु रहेको छ।
काठमाडौँ दरबार स्क्वायर, पाटन दरबार स्क्वायर र स्वयम्भूनाथ गरी तीन प्रमुख सम्पदा स्थलहरूमा आयोजना गरिने यो एक प्रकारको ‘ट्रेजर हन्ट’ हो।
सहभागीहरूलाई बीवाइडीका गाडीमार्फत यी स्थलहरूमा पुर्याइनेछ, जहाँ उनीहरूले पजलहरू सुल्झाउने र टास्कहरू पूरा गर्नेछन्।
म्यारियट काठमाडौँबाट सुरु हुने यो कार्यक्रम फेयरफिल्ड बाई म्यारियटमा समापन हुनेछ। विजेता टोलीलाई ‘काठमाडौँ एक्सपर्ट्स’ को उपाधि प्रदान गरिनेछ।
यस सहकार्यले नेपाललाई व्यवसायिक र सांस्कृतिक दुवै दृष्टिकोणले एक आकर्षक गन्तव्यका रूपमा प्रस्तुत गर्न मद्दत गर्ने विश्वास लिइएको छ।
भर्खरै
लोकप्रिय
