लालबन्दी- एनएमबि बैंकले आफ्नो संस्थागत सामाजिक उत्तरदायित्व अन्तर्गत सर्लाहीको लालबन्दी-५ मा अवस्थित अमर जैन विद्यालयमा विद्यार्थीहरूलाई स्कुल ब्याग र पानी पिउने मेसिन (वाटर डिस्पेन्सर) हस्तान्तरण गरेको छ।
बैंकले शिक्षा क्षेत्रको विकास र विद्यार्थीहरूको शैक्षिक उन्नयनलाई सहयोग पुर्याउने उद्देश्यले यो कार्यक्रम आयोजना गरेको हो।
बैंकका अनुसार शिक्षालाई दिगो विकासको आधार मान्दै विद्यार्थीहरूलाई गुणस्तरीय शिक्षामा पहुँच पुर्याउन सहयोग गर्ने लक्ष्य राखिएको छ। यस पहलले विद्यालयको शैक्षिक वातावरण सुदृढ बनाउनुका साथै विद्यार्थीहरूलाई थप प्रोत्साहन मिल्ने अपेक्षा गरिएको छ।
कार्यक्रममा लालबन्दी वडा नं. ५ का वडाध्यक्ष रामप्रसाद ढुंगेलको प्रमुख आतिथ्य रहेको थियो। उहाँले बैंकको यस पहलको प्रशंसा गर्दै यस्ता कार्यहरूले समाजमा सकारात्मक प्रभाव पार्ने बताए। एनएमबि बैंकका तर्फबाट मधेश प्रदेश प्रमुख दीपेन्द्र कुमार मिश्र र लालबन्दी शाखाका प्रबन्धक अरुण आचार्यको पनि विशेष उपस्थिति थियो। उहाँहरूले आगामी दिनमा पनि यस्ता सामाजिक कार्यहरूमा निरन्तर सक्रिय रहने प्रतिबद्धता व्यक्त गरे।
कार्यक्रममा विद्यालयका प्रधानाध्यापक, शिक्षक, विद्यार्थी र स्थानीय सरोकारवालाहरूको उल्लेख्य उपस्थिति थियो। बैंकले भविष्यमा पनि समाज र राष्ट्रको हितका लागि यस्तै रचनात्मक कार्यक्रमहरू सञ्चालन गर्ने वाचा गरेको छ।
भर्खरै
लोकप्रिय
