काठमाडौँ– प्रतिनिधिसभाको राज्य व्यवस्था तथा सुशासन समितिमा भएको गडबडीको नैतिक जिम्मेवारी लिएर सभापतिबाट राजीनामा दिएका रामहरि खतिवडालाई फेरि कांग्रेसले संसदीय सुनुवाइ समितिको सभापति बनाउने तयारी गरेको छ।
राज्य व्यवस्था समितिमा निजामति विधेयकको कुलिङ अफ पिरियडमा भएको छलछामपछि खतिवडाले सभापति पदबाट साउन २८ गते राजीनामा दिएका थिए।
उनको राजीनामापछि कांग्रेसले सुशासन समितिकी सभापति ईश्वरी देवी न्यौपानेलाई राजीनामा गर्न लगाएर राज्य व्यवस्था तथा सुशासन समितिको सभापति बनाएको थियो। न्यौपानेको राजीनामापछि संसदीय सुनुवाइ समिति खाली छ।
अहिले कांग्रेसले फेरि नैतिकरुपमा गडबडीको जिम्मेवारी लिँदै राजीनामा दिएका खतिवडालाई सुनुवाइ समितिको सभापति बनाउने तयारी गरेको हो।
सभापतिका उम्मेदवारीका लागि आज (बिहीबार) कार्यतालिका सार्वजनिक हुँदैछ। शुक्रबार खतिवडा सुशासन समितिको सभापति बन्ने पक्का भइसकेको छ।
भर्खरै
लोकप्रिय
