झापा- झापामा जेनजी आन्दोलनका क्रममा उत्पन्न हुन सक्ने अवाञ्छित गतिविधि नियन्त्रण गर्न प्रमुख जिल्ला अधिकारीले कडा कर्फ्यू आदेश जारी गरेका छन्।
प्रमुख जिल्ला अधिकारी गोपालकुमार अधिकारीद्वारा जारी आदेशअनुसार भदौ २५ गते दिउँसो ३ बजेदेखि अर्को आदेश नआएसम्म कर्फ्यू लागू गरिएको छ।
आदेशले आम नागरिकलाई आवश्यक कारणबाहेक घरबाहिर ननिस्कन, भीडभाड नगर्न र सार्वजनिक स्थलमा जमघट नगर्न भनिएको छ।
सार्वजनिक यातायात, बजार, पसल तथा भीडभाड हुने स्थानहरू पूर्ण रूपमा बन्द रहने स्थानीय प्रशासनले जनाएको छ।
आपतकालीन सेवामा संलग्न स्वास्थ्यकर्मी, एम्बुलेन्स, दमकल तथा सुरक्षाकर्मीलाई भने कर्फ्यू आदेश लागू हुने छैन।
जेनजी नेपालले आह्वान गरेको आन्दोलनका क्रममा जनधनको क्षति हुन सक्ने भन्दै सुरक्षा अवस्था संवेदनशील बनेपछि कडा कर्फ्यू आदेश लागू गरिएको हो।
आदेश उल्लंघन गर्ने जो कोहीलाई सुरक्षाकर्मीले नियन्त्रणमा लिने तथा आवश्यक परे गोलीसमेत हान्न सक्ने चेतावनी प्रशासनले दिएको छ।
भर्खरै
लोकप्रिय
