काठमाडौँ- हाल देशभर मनसुनी वायुको प्रभाव परेको छ भने मनसुनको न्यूनचापीय रेखा सरदर स्थानकै आसपासमा रहेको छ।
आज बिहानैदेखि कोशी, लुम्बिनी, कर्णाली र सुदूरपश्चिम प्रदेशका विभिन्न क्षेत्रमा हल्कादेखि मध्यम वर्षा भइरहेको छ। गएको एक घण्टामा डडेलधुराको गाइबन्धेमा २०.६ मिलिमिटर, कञ्चनपुरको हनुमाननगरमा १८.८ मिलिमिटर र डडेलधुराको जोगबुढामा १४ मिलिमिटर वर्षा रेकर्ड गरिएको छ। यसका साथै, बैतडी, अछाम, सुर्खेत, र सल्यान लगायतका जिल्लामा पनि वर्षा भइरहेको छ।
आज दिउँसो देशभर सामान्यतया बदली रहनेछ। पहाडी क्षेत्रका केही स्थान र तराईका थोरै स्थानमा मध्यम वर्षाको सम्भावना रहेको छ। विशेषगरी, कोशी प्रदेश, गण्डकी, लुम्बिनी, र सुदूरपश्चिम प्रदेशका पहाडी तथा तराईका केही क्षेत्रमा भारी वर्षा हुन सक्नेछ।
आज राति पनि देशभर बदली नै रहनेछ। कोशी, मधेश, बागमती, र गण्डकी प्रदेशका केही स्थानमा र बाँकी क्षेत्रका थोरै स्थानमा मध्यम वर्षा हुनेछ। त्यस्तै, मधेश, कोशी, बागमती र गण्डकी प्रदेशका पहाडी क्षेत्रका एक-दुई स्थानमा राति पनि भारी वर्षाको सम्भावना रहेको मौसम महाशाखाले जनाएको छ।
भर्खरै
लोकप्रिय
