शितल निवास क्षेत्रमा सुरक्षा व्यवस्था अत्यन्तै कडा (तस्बिरहरू)

काठमाडौँ – राष्ट्रपति भवन शितल निवास र आसपासको क्षेत्रमा सुरक्षा व्यवस्था अत्यन्तै कडा पारिएको छ।

नेपाली सेनाले उक्त क्षेत्रमा सुरक्षा व्यवस्थामा कडाइ गरेको छ। सेनाले कडाइ गर्दा लाजिम्पाटको पानीपोखरी र टिचिङ अस्पताल क्षेत्रबाट सवारी आवागमन ठप्प पारिएको छ।

जेन–जी आन्दोलनका क्रममा भदौ २३ गते सरकारले बर्बर दमन गरेपछि भोलिपल्ट भदौ २४ गते देशभर आन्दोलन उग्र बनेको थियो। त्यसक्रममा संसद् भवन, सिंहदरबार, सर्वोच्च अदालतलगायतमा आगजनी गरिएको थियो।

राष्ट्रपति भवनमा पनि आगो लगाइएको थियो। हाल राष्ट्रपति रामचन्द्र पौडेल शितल निवासमै छन्। शितल निवासमा रहेको अर्को भवनमा राष्ट्रपति पौडेल बसिरहेका छन्। उनले त्यहाँ विभिन्न पक्षसँग अन्तरिम सरकार गठनका विषयमा छलफल गरिरहेका छन्।

तस्बिरः नेपाल फोटो लाइब्रेरी।