काठमाडौँ- संयुक्त राष्ट्रसंघले नेपालकी नव नियुक्त प्रधानमन्त्री सुशीला कार्कीलाई बधाई तथा शुभकामना प्रकट गरेको छ।
संयुक्त राष्ट्रसंघकी नेपालस्थित निवासी समन्वयक हाना सिंगर हम्दीले शुक्रबार एक विज्ञप्ति जारी गर्दै प्रधानमन्त्री कार्कीलाई बधाई दिएकी हुन्।
उनले भनेकी छन्, “नेपालका जनताप्रति र प्रधानमन्त्री कार्कीलाई बधाई। संयुक्त राष्ट्रसंघ शान्ति, न्याय, पारदर्शिता, जवाफदेहिता र प्रगतिप्रतिको नेपाली जनताको आकांक्षासँगै उभिएको छ।”
उनले तत्कालीन राष्ट्रपति रामचन्द्र पौडेल, सेनाप्रमुख आशीष सिग्देल र जेनजी युवा नेताहरूको योगदानलाई पनि प्रशंसा गरेकी छन्। उनले भनेकी छन्, “यी सबैको प्रयासले यो संक्रमण सम्भव भएको हो। आन्दोलनका क्रममा ज्यान गुमाउनेप्रति पनि श्रद्धाञ्जली अर्पण गर्दछौँ।”
संयुक्त राष्ट्रसंघले नेपाल सरकारसँग सहकार्य गरेर देशलाई स्थिरता, मानव अधिकारको सम्मान र दिगो विकासको मार्गमा अघि बढाउन प्रतिवद्ध रहने प्रतिबद्धता जनाएको छ।
भर्खरै
लोकप्रिय
