अ
+
अ
अ
-
काठमाडौँ- आज काठमाडौँको नयाँ बसपार्कमा सवारीसाधन, मेसिनरी र औजारको पूजाआजा गरी विश्वकर्मा पूजा मनाइएको छ। हिन्दू पुराणअनुसार विश्वकर्मालाई प्रमुख शिल्पी र वास्तुकारका रूपमा मानिन्छ। उनले देवदेवीका उड्ने रथहरू निर्माण गरेका थिए र असुरहरूसँगको युद्धमा देवताहरूलाई सहयोग गर्ने विभिन्न अस्त्र-शस्त्रहरूको निर्माण गरेका थिए।
नेपाली पात्रोअनुसार, प्रत्येक वर्ष आश्विन १ गते मनाइने यो पर्व विशेषगरी कारखाना, कार्यशाला र सार्वजनिक स्थलमा पूजा गरी मनाउने चलन रहेको छ।
आजको दिन मेसिनरी, औजार र सवारीसाधनलाई सजाएर पूजा गर्ने प्रचलन रहेको छ। पूजा सामग्रीमा रातो र सेतो कपडा चढाइन्छ भने सवारीसाधनलाई धजा तथा मालाले सजाएर विधिपूर्वक पूजा गरिन्छ।
थप तस्बिरहरू:
तस्बिर स्रोत: सफल प्रकाश श्रेष्ठ / नेपाल फोटो लाइब्रेरी।
भर्खरै
लोकप्रिय
