हुम्ला – प्रमुख जिल्ला अधिकारी टेककुमार रेग्मीले जिल्लामा शान्ति–सुरक्षा अमनचयन कायम राख्न आग्रह गरेका छन्। कर्मचारी मिलन केन्द्रले आयोजना गरेको बडादसँै २०८२ को शुभकामना आदानप्रदान कार्यक्रममा प्रजिअ रेग्मीले सार्वजनिक स्थानमा मदिरा सेवन गरी वातावरण नबिगार्न आग्रह गरेका हुन्।
मदिरा प्रयोग गर्नकै लागि उत्पादन भए पनि त्यसको सही उपभोग गर्न उनले आग्रह गरे। कार्यक्रममा जिल्ला समन्वय समितिका उपप्रमुख दलु फडेराले उल्लासमय तरिकाले दसँै मनाउनुपर्नेमा जोड दिए।
कार्यक्रममा पत्रकार महासंघ हुम्लाका अध्यक्ष राजन रावतले शुभकामना मन्तव्य ब्यक्त गरेका थिए। कर्मचारी मिलन केन्द्रकी अध्यक्ष सरिता बोहराको अध्यक्षतमा आयोजित कार्यक्रममा प्रहरी नायब उपरीक्षक शंकर पोखरेल, सशस्त्र प्रहरी नायब उपरीक्षक कवीन्द्र महर्जन, अनुसन्धान अधिकृतलगायतले शुभकामना आदानप्रदान गरेका थिए।
भर्खरै
लोकप्रिय
