काठमाडौँ– अविरल वर्षापछि बाढीपहिरोका कारण बाटो अवरुद्ध हुँदा पूर्वी नेपालका विभिन्न ठाउँबाट नेपाली सेनाको हेलिकप्टरमार्फत चार गर्भवती महिलाको उद्धार गरिएको छ।
इलामको माइजोगमाई गाउँपालकाि ५ शिरेसिरेबाट, सन्दकपुर गाउँपालिका १ छाँगेबाट, पाँचथरको फिदिम नगरपालिका १२ पुलभञ्ज्याङ्गबाट र संखुवासभाको भोटखोला गाउँपालिका ३ हुङगुङबाट एक/एक गरी चार जना गर्भवती महिलाको उद्धार गरिएको छ।
उनीहरू चार जनाको सोमबार उद्धार गरिएको नेपाली सेनाले जानकारी दिएको छ। उद्धा गरिएका उनीहरूलाई बिएण्डसी अस्पताल झापा र कोशी प्रादेशिक अस्पताल विराटनगर पुर्याइएको छ।
महिला, बालबालिका तथा ज्येष्ठ नागरिक मन्त्रालयको राष्ट्रिय महिला सशक्तीकरण परियोजना अन्तर्गत गर्भवती तथा सुत्केरी महिलाहरूको लागि सञ्चालन गरेको हवाई उद्धार कार्यक्रम अन्तर्गत उनीहरूको उद्धार गरिएको हो।
तस्बिर: नेपाली सेना
भर्खरै
लोकप्रिय
