हुम्ला – खार्पुनाथ गाउँपालिकाका अध्यक्ष कर्णबहादुर रावलले बाल क्लब गठन र दर्ताका लागि सहयोगी निकायसँग गाउँपालिका साझेदारी गर्न तयार रहेको बताएका छन्। गाउँपालिकामा जनप्रतिनिधिका लागि आयोजित बालअधिकारसम्बन्धी अभिमुखीकरण कार्यक्रममा अब विधि र प्रक्रियाअनुसार बालक्लव गठन र सञ्चालन गर्ने गरी काम भए गाउँपालिका लागत साझेदारीसहित काम गर्न तयार रहेको बताए।
गाउँपालिका बालबालिकाका क्षेत्रमा काम गर्न तयार भएको र यसको सुरुवात चालु आर्थिक वर्षबाट गरिए पनि बाल अधिकारबारे गाउँपालिकाका जनप्रतिनिधि र कर्मचारीलाई अभिमुखीकरण गरिएको छ।
बालअधिकार र यसको संरक्षण, बाल क्लव गठन, यसका किसिम, पदाधिकारीको काम, कर्तव्य र अधिकारबारे प्रष्ट पार्दै सञ्चारकर्मी राजन रावतले सहजीकरण गरेका थिए।
कार्यक्रममा खार्पुनाथ गाउँपालिकाका उपाध्यक्ष ज्ञानबहादुर शाही, प्रशासकीय अधिकृत विष्णुबहादुर शाही, वडा नम्बर १ का वडाध्यक्ष जयबहादुर शाही, ३ का चन्द्र रावल, ४ का रंगमित शाही, कार्यपालिका सदस्य र पाँच वटै माविका प्रधानाध्याक तथा शिक्षक र बाल क्लवका सदस्यलगायत सहभागी थिए।
गुड नेवर्स इन्टरनेस्नस नेपालको आथिक सहयोग र किडार्क नेपालको आयोजनामा कार्यक्रम सञ्चालन भएको हो।
भर्खरै
लोकप्रिय
