- नेकपा एमालेले जेनजी आन्दोलनमा घुसपैठ गरेर ठूलो संख्यामा युवा विद्यार्थीको हत्या भएको अपानि मार्फत जनाएको छ।
- सामाजिक सञ्जाल बन्द नगरी नियमन गर्नुको साथै जेनजी युवाहरुको मागबारे कुनै विमति नभएको एमालेले बताएको छ।
- आगजनी र लुटपाटको घटनालाई एमालेले शीतयुद्ध पछि रहेको ‘कलर रिभोल्युसन’ कै निरन्तरता भनेको छ।
नेकपा एमालेले अन्तर पार्टी निर्देशन (अपानि) जारी गर्दै जेनजी आन्दोलनमा घुसपैठ गरेर ठूलो संख्यामा युवा विद्यार्थीहरूको हत्या भएको जनाएको छ। एमालेले सामाजिक सञ्जाल बन्द भन्दा पनि नियमन गर्न खोजिएको दाबी गर्दै जेनजी युवाले राखेको मागमा विमति नरहेको पनि बताएको छ।
अन्तरिम सरकारबारे एमालेले भनेको छ- ‘असामान्य परिस्थितिका बीचमा थप क्षति हुन नदिन प्रधानमन्त्रीले राजीनामा दिइसकेपछिको अन्योलपूर्ण अवस्थालाई निकास दिन हामीले संविधानसम्मत् विकल्पहरु प्रस्तुत गरेका थियौँ। असहज परिस्थितिका बीचमा गैरसांसद व्यक्तिलाई प्रधानमन्त्री बनाउनुपर्ने भए पनि त्यसलाई संसदमार्फत संविधान संशोधन गरेर संवैधानिक प्रक्रियामार्फत अगाडि बढाउने प्रस्ताव गरेका थियौँ। त्यसका लागि संसदमा प्रतिनिधित्व गर्ने मुख्य राजनीतिक दलहरूबीच सहमति निर्माण गर्ने र कुनै पनि अर्थमा प्रतिनिधिसभा विघटन गर्न नहुने हाम्रो स्पष्ट र दृढ अडान थियो। सोहीअनुरुप संविधानसम्मत् निकासका लागि काम चलाउ सरकारको प्रधानमन्त्रीको हैसियतले मैले सिफारिस गरेका थिएँ। तर त्यो सुझावविपरीत संविधान बाहिरबाट सरकार गठन गरिएको छ। तसर्थ यो सरकार असंवैधानिक छ।’
भर्खरै
लोकप्रिय
