काठमाडौँ – नेपाल उद्योग वाणिज्य महासंघका अध्यक्ष चन्द्रप्रसाद ढकालले समयमै निर्वाचन हुने वातावरणको सुनिश्चितता अहिलेको आवश्यकता भएको बताएका छन्।
शनिबार काठमाडौँमा महासंघद्वारा आयोजित राष्ट्रिय बृहत् आर्थिक बहस २.० लाई सम्बोधन गर्दै अध्यक्ष ढकालले यस्तो माग गरेका हुन्। उनले दिगो शान्ति, स्थायित्व र समृद्धिका लागि सबैको प्रयास अहिलेको समयमा आवश्यक रहेको बताए।
उनले सबै राजनीतिक दल, युवा पुस्तालगायत सरोकारवालाहरुसँगको संवाद र सहकार्यमा समयमै निर्वाचन हुने वातावरणको सुनिश्चितता गराउनुपर्ने बताए। निजी क्षेत्र फल दिने वृक्ष भएको बताउँदै यसको मलजल गर्न जरुरी रहेको बताए।
उनले भने, ‘दिगो शान्ति, स्थायित्व र समृद्धिका लागि सबैको प्रयास अहिलेको समयमा आवश्यक छ। यसका लागि सबै राजनीतिक दल, युवा पुस्तालगायत सरोकारवालाहरुसँगको संवाद र सहकार्यमा समयमै निर्वाचन हुने वातावरणको सुनिश्चितता हो। सरकारले यसतर्फ प्रयास गरिरहेको पनि छ। हामी निजी क्षेत्र पनि सम्पूर्ण रुपमा शान्ति स्थायित्व र समृद्धिका लागि समयमै निर्वाचनको वातावरण बनाउन आग्रह गर्दछौँ।’
भर्खरै
लोकप्रिय
