मुगु – मुगु जिल्लाका छायाँनाथ रारा नगरपालिकाबाहेक अन्य तीन पालिकामा राष्ट्रिय प्रसारण लाइन पुग्न नसक्दा स्थानीय बासिन्दा अन्धकारमै बस्न बाध्य भएका छन्।
गाउँपालिकाहरू खत्याड, सोरु, र मुगुमकार्मारोङमा अझै पनि विद्युत् सेवा विस्तार गर्न नसकिएको हो। लामो समयदेखि विद्युत्को अभावले स्थानीय जनजीवन प्रभावित भइरहेको छ।
छायाँनाथ रारा नगरपालिकामा भने राष्ट्रिय प्रसारण लाइनले सेवा पुर्याएपछि नगरवासीले लाभ उठाउँदै आएका छन्। अन्य पालिकामा पनि राष्ट्रिय प्रसारण लाइन छिटो विस्तार गर्न सरकारसँग स्थानीय बासिन्दाले माग गरेका छन्।
बिद्युत बिस्तार हुन नसकेका तीन ओटै पालिकाहरूमा दिगो ग्रामिण उद्यम बिकास परियोजनाअन्तर्गत काम काम शुरू भैसकेको भए पनि अझै करिब २ बर्षको समय लाग्ने गमगाड बितरण केन्द्रका प्रमुख साजन ऐडीले बताए।
गाउँमा बिद्युत सेवा बिस्तार नहुँँदा स्थानिय जनताको आर्थिक समृद्धिमा असर पुगेको बताईएको छ। बिजुली अभावकै कारण उद्योग–धन्दा, शिक्षा र स्वास्थ्य क्षेत्रसमेत प्रभावित भएका छन्।
भर्खरै
लोकप्रिय
