काठमाडौँ- आवासीय चिकित्सकको निर्वाह भत्ता विषयमा विवादास्पद निर्णय गरेको भन्दै चिकित्सक तथा स्वास्थ्यकर्मीले माइतीघर मण्डलामा धर्ना दिएका छन्।
देशभरका ४० वटा अस्पताल तथा शिक्षण संस्थामा कार्यरत चिकित्सक तथा स्वास्थ्यकर्मीले विरोध जनाइरहँदा शुक्रबार चिकित्सक तथा स्वास्थ्यकर्मीले माइतीघर मण्डलामा धर्ना दिएका हुन्।
सरकारले विज्ञ कार्यदलको सिफारिसलाई बेवास्ता गर्दै निजी मेडिकल कलेजका आवासीय चिकित्सकको निर्वाह भत्ता सम्बन्धी विवादास्पद निर्णय गरेको भन्दै देशभरिका ४० वटा अस्पताल तथा शिक्षण संस्थामा कार्यरत चिकित्सक तथा स्वास्थ्यकर्मी आन्दोलित बनेका छन्।
सरकारले आवासीय चिकित्सकको मासिक भत्ता पहिलो वर्ष २५ हजार, दोस्रो वर्ष ३० हजार र तेस्रो वर्ष ३५ हजार रुपैयाँ सरकारले तोकेको छ।
आवासीय चिकित्सकले यो रकम स्वीकार्य नभएको भन्दै आकस्मिक बाहेकका सबै सेवा ठप्प पार्ने चेतावनी दिएका छन् ।
भर्खरै
लोकप्रिय
