सिमकोट – खार्पुनाथ गाउँपालिका– ४ को सीता माविमा यस पटकको एस्ईई परीक्षाको केन्द्र निर्धारण गरिएको छ। दुई वर्ष अगाडिबाट परीक्षा केन्द्र निर्धारण गर्न माग गरिए पनि यस वर्षबाट केन्द्र निर्धाण गरिएको हो।
सीता माविलाई पनि परीक्षा केन्द्र निर्धारण गरिएको शिक्षा बिकास तथा समन्वय एकाई प्रमुख योगेश आलेमगरले जानकारी दिए।
सो परीक्षा केन्द्रमा खार्पुनाथ गाउँपालिकाका चार वटा माविहरु मान्धार, मालिका, हुम्ला मावि र शंकर माथिका परीक्षार्थीले परीक्षा दिनेछन्। यो सहित अव हुम्ला जिललमा सात वटा परीक्षा केन्द्र भएका छन्। यसअघि छ वटा मात्र परीक्षा केन्द्र थिए।
यस वर्ष हुम्ला जिल्लाभरबाट एक हजार १०४ जना परीक्षार्थीले परीक्षामा सहभागीता जनाउने छ। यो सङ्ख्या नियमित र ग्रेड बृद्धि जोड्दाको हो। यसमा नियमित तर्फ ९५० जना र ग्रेड बृद्धितर्फ १५४ जनाले परीक्षामा सहभागिता जनाउदै छन्। जबकि गत वर्षको एसईईमा एक हजार १८८ जना परीक्षार्थीले सहभागिता जनाएका थिए।
त्यो भन्दा अघिल्लो वर्ष हुम्ला जिल्लाबाट एक हजार १९६ जना परीक्षार्थीले एसईईमा सहभागिता जनाएका थिए। यसरी एसईईमा परीक्षार्थीको सङ्ख्या घट्नुको मुख्य कारण जिल्ला छोडेर अध्ययनका लागि शहरका विद्यालयमा जानु रहेको र केही विधार्थीले कक्षा नौ र दशमा पढाइ छोडेको कारण हो। यो कारणलाई रोख्ने हो भने यसरी परीक्षार्थीहरु घट्दो क्रममा नरहने उनले बताए।
एकाईले उपलब्ध् गराएको परीक्षार्थी विवरण अनुसार यसवर्षको एसईई दिनेमा साधारणतर्फ कुल ८६१ जना परीक्षार्थी छन् भने प्राविधिक धारतर्फ ८९ जना परीक्षार्थी छन्। त्यसैगरी ग्रेड बृद्धितर्फ साधारण र प्राविधिक धार गरी जम्म १५४ परीक्षार्थी छन्। कुल परीक्षार्थीमध्ये छात्राको सङ्ख्या ६२७ छ भने छात्रको सङ्ख्या ४७७ छ। परीक्षार्थीमा छात्रभन्दा छात्राको सङ्ख्या १५० ले बढी छ।
परीक्षाको तयारी पूरा
परीक्षाको सवै तयारी पूरा भएको छ। प्रश्नपत्र र उत्तरपुस्तिका समयमै जिल्लामा ढुवानी भएर आइपुगेपछि परीक्षा समन्वय समितिले एसईईको तयारी पूरा गरेको हो। एकाई प्रमुख आलेमगरले यस पटकको एसईईको तयारी पूरा भएको बताए। उनले प्रश्नापत्र, उत्तर पुस्तिका र प्रवेश पत्र जिल्लामा आइपुगेसँगै परीक्षाका अन्य तयारीसमेत गरिएको बताए।
उनले केन्द्राध्यक्ष तथा सहायक केन्द्राध्यक्ष तोक्ने कार्य भइसकेको र टाढाको परीक्षा केन्द्र मदानादेभ र सूर्यादय मावि परीक्षा केन्द्रका लागि उत्तरपुस्तिका, प्रश्नपत्र र प्रवेश पत्र पठाउने कार्यसमेत भएको प्रमुख आलेमगरले बताए। त्यसअनुसार क्रमशः सबै परीक्षा सामग्री पठाउने कार्य पनि सुरु गर्ने उनले बताए। परीक्षालाई निष्पक्ष र मर्यादित बनाउन परीक्षा अनुगमन समितिलाई पनि सकृय बनाउने कार्य हुने उनले बताए।
सात वटा परीक्षा केन्द्र निर्धारण
यस वर्षबाट एसईई परीक्षाका लागि सात वटा परीक्षा केन्द्र निर्धारण गरिएको छ। यी परीक्षा केन्द्रमा सिमकोट गाउँपालिकाको मानसरोवर मावि केन्द्र र बाल मन्दिर मावि केन्द्र छन् भने खार्पुनाथ गाउँपालिकाको सीता मावि केन्द्र छ। सर्केगार्ड गाउँपालिकामा हिमज्योति मावि सर्केगार्ड केन्द्र र कोट मावि रोडीकोट केन्द्र छन्। अदानचुली गाउँपालिकाको सूर्योदय मावि केन्द्र र ताँजाकोट गाउँपालिकाको मदानादेव मिाव केन्द्र छन्। यी परीक्षा केन्द्रमा जिल्लाका २७ वटा माविमा अध्ययनरत परीक्षार्थीले परीक्षा दिन लागेका छन्।
भर्खरै
लोकप्रिय
