अ
+
अ
अ
-
दाङ – राेल्पाको थवाङ गाउँपालिका–५ का वडाध्यक्ष गोवर्धन घर्तीमगरको मिर्गौला र कलेजोसम्बन्धी जटिल रोगका कारण सोमबार निधन भएको छ।
गाउँपालिका स्रोतका अनुसार लामो समयदेखि स्वास्थ्य समस्याबाट पीडित घर्तीमगरको बाँकेको नेपालगन्ज मेडिकल कलेजमा उपचाररत अवस्थामा सोमबार दिउँसो निधन भएको हो।
५२ वर्षीय घर्तीमगर थवाङ–५ उवा निवासी हुन्। उनी माओवादी केन्द्रको तर्फबाट वडाध्यक्ष पदमा निर्वाचित भएका थिए।
समाजसेवा र स्थानीय नेतृत्वमा सक्रिय घर्तीको निधनले गाउँपालिकालाई अपूरणीय क्षति पुगेको थवाङ गाउँपालिकाका अध्यक्ष ऋषिकेशव बुढा मगरले बताए।
`उहाँ इमानदार, सक्रिय र समर्पित जनप्रतिनिधि हुनुहुन्थ्यो,´ अध्यक्ष बुढा मगरले भने,`उहाँको निधनले गाउँपालिकाले अनुभवी नेतृत्व गुमाएको छ ।´
परिवारका अनुसार घर्तीमगरको अन्त्येष्टि मंगलबार मगर परम्पराअनुसार उवामै गरिएको छ।
भर्खरै
लोकप्रिय
